Qaraǵandyda polıtseıler jol apatyna ushyrady
QARAǴANDY. QazAqparat - Qaraǵandy oblysynda jol apatynan eki polıtsııa qyzmetkeri zardap shekti. Olar aýrýhanaǵa jetkizildi, dep habarlaıdy QazAqparat tilshisi.
Oblystyq ishki ister departamentiniń málimdeýinshe, oqıǵa 18 shilde kúni keshkisin Buqar jyraý aýdanyndaǵy «Qaraǵandy - Botaqara» avtojolynda bolǵan. Aldyn ala derekter boıynsha, «Shansıman» júk kóliginiń júrgizýshisi rýlge ıe bola almaı qalyp, qarsy jolaqqa shyǵyp ketken. Solaısha, polıtseılerdiń «Toyota Land Cruiser Prado» qyzmettik mashınasyna soǵylǵan.
Apat saldarynan arnaıy kóliktiń ishindegi eki polıtseı jaraqat alyp, Qaraǵandy qalalyq aýrýhanasyna jetkizildi.
«Osy derek boıynsha QR Qylmystyq kodeksiniń 345-babynyń («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy») 2-bóligine sáıkes sotqa deıingi tergep-tekserý amaldary bastaldy», - dedi oblystyq ІІD ókilderi.
