Qaraǵandyda polıtseıler janyp jatqan páterden er adamdy alyp shyqty
QARAǴANDY. QazAqparat - Qaraǵandy ІІB jergilikti polıtsııa qyzmetiniń jol-patrýldik polıtsııasy polkiniń qyzmetkerleri janyp jatqan páterden er adamdy qutqardy, dep habarlady «QazAqparat» HAA tilshisi.
13 aqpanda jol-patrýldik polıtsııa polki jedel basqarý ortalyǵynan Gapeev kóshesi boıynsha páterlerdiń biri órtenip jatqany týraly shaqyrtý alady.
«Shaqyrtýǵa polıtsııa serjanty Dúısekov pen Nurlan, sondaı-aq polıtsııa aǵa serjanty Tóleý jiberildi. Polıtseıler kelgende úıdiń kireberisi kók tútinge oranyp jatty. Kórshileri tútin kirgen esikti syndyrýǵa tyrysqan», - dedi óńirdiń ishki ister departamentiniń baspasóz qyzmetinen.
Polıtseıler turǵyndardy evakýatsııalady. Ózderi órt shyqqan úıdiń esigin buzyp, úıdiń ıesin izdedi. Olar es-tússiz jatqan er adamdy tapty. Onyń ústindegi kıimi byqsyp jatqan. Polıtsııa qyzmetkerleri ony dalaǵa shyǵaryp, birinshi medıtsınalyq kómek kórsetti. Órt sóndirýshiler tilsiz jaýdy aýyzdyqtady.
«Kóp jerin kúıik shalǵan zardap shegýshi aýrýhanaǵa jetkizildi», - dep habarlady polıtsııadan.
