Qaraǵandyda polıtseıler kıbervolonterler qozǵalysyn damytyp jatyr
Qaraǵandy oblysynyń PD jáne oblystyq jastar saıasaty máseleleri basqarmasy yntymaqtastyq jáne ózara is-qımyl týraly ózara memorandým jasasty.
Qujatqa oblystyq PD bastyǵynyń mindetin atqarýshy Ábil Ábildın men jastar saıasaty máseleleri basqarmasynyń basshysy Birjan Álimjanov qol qoıdy.
Atalmysh memorandýmnyń máni ІT-qaýipsizdik jobalaryn iske asyrýǵa jáne oblysta kıbervolonterler qozǵalysyn damytýǵa baǵyttalǵan polıtsııa men jastar arasyndaǵy áriptestik qatynastardy ornatý jáne uzaq merzimdi yntymaqtastyqty damytý bolyp tabylady.
«Qazirgi ýaqytta ınternettegi alaıaqtyq - qylmystyń eń kóp taralǵan túrine aınaldy. Jyl basynan beri bizdiń oblysta osyndaı 903 quqyq buzýshylyq tirkeldi. Al ótken jyly – 428. Bul qubylyspen zamanaýı ádis-tásildermen kúresý kerek. Sondyqtan biz sizderdiń taraptan kez kelgen kómekti, ıdeıalardy, usynystardy qarastyramyz. Kıbervolonterler qozǵalysy – seriktestiktiń jańa nysany, belsendi azamattyq pozıtsııanyń jáne bizdiń turǵyndardyń áleýmettik jaýapkershiliginiń mysaly. Jáne oǵan qatysa otyryp, Qaraǵandy JOO stýdentteri – bolashaq tsıfrlyq jáne kompıýterlik tehnologııalar mamandary – óz teorııalyq bilimderin is júzinde tolyq kólemde qoldana alady», - dep atap ótti Ábil Ábildın.
«Kıbervolonterlerdi daıyndaý - kóp eńbekti talap etetin protsess. Qozǵalysqa qatysýǵa daıyn daryndy balalar bar. Biz polıtseılerge ınternet qylmystarymen kúresýge kómektesý úshin qoldan kelgenniń bárin jasaımyz», - dedi Birjan Álimjanov.
