Qaraǵandyda polıtseıler boıjetkendi ózin ózi óltirýden qutqaryp, sondaı-aq gazdyń jarylýynyń aldyn aldy
QARAǴANDY. 18 aqpan. QazAqparat - Qaraǵandyda patrýldik polıtsııa polkiniń qyzmetkerleri ózine ózi qol jumsamaqshy bolǵan boıjetkendi qutqaryp qaldy, sondaı-aq sondaı-aq gazdyń jarylýynyń aldyn aldy, dep habarlaıdy Qaraǵandy oblystyq TJD-niń baspasóz qyzmetinen.
«17 aqpan kúni tańerteń Erýbaev kóshesinde ornalasqan úılerdiń biriniń turǵyndary kireberiste 29 jastaǵy boıjetken turatyn páterden shyqqan gazdyń ıisin sezdi. Turǵyndar esikti qaqqanymen, olarǵa eshkim ashpady, sodan keıin olar apattyq qyzmetti shaqyrdy. Sol kúni tańerteń oblystyq ІІD-niń Jedel basqarý ortalyǵyna jas azamat habarlasyp, onyń júretin qyzynyń ózine ózi qol jumsaýy múmkin ekenin aıtty. Ol boıjetken onyń telefon shalýy men esik qaǵýyna jaýap bermeı jatqanyn, al onyń páterinen gazdyń ıisi shyǵyp jatqanyn habarlady», - dep baıandady oblystyq ІІD-niń baspasóz qyzmetinen.
Oqıǵa ornyna patrýldik polıtsııa polkiniń vzvod komandıri, polıtsııa leıtenanty Erjan Saǵyndyqov, vzvod komandıriniń kómekshisi, polıtsııa starshınasy Aıdar Musabekov jáne júrgizýshi-polıtseı, polıtsııanyń aǵa serjanty Erbolat Qasenovten turatyn jasaq jiberildi.
Gaz sóndirildi, al páterdiń ıesi jedel medıtsınalyq kómek brıgadasyna tapsyryldy.
«Boıjetken qazirgi kezde aýrýhanada jatyr. Ony ózin ózi óltirýge ıtermelegen sebepter anyqtalý ústinde», - dep qosty oblystyq ІІD-niń baspasóz qyzmeti.
