Qaraǵandyda polıtseıge para usynǵan júrgizýshi ustaldy

QARAǴANDY. QazAqparat – Qaraǵandy oblysynda polıtseıge para usynǵan júrgizýshi ustaldy, dep habarlaıdy QazAqparat.

Polıtseıler MAN avtokóligin toqtatyp, memlekettik nómiri durys kórinbeıtindigi úshin júrgizýshige qatysty ákimshilik hattama toltyrǵan. Alaıda er adam aıyppul tólegisi kelmeı, patrýl polıtsııasynyń ınspektoryna para berip qutylmaq boldy.

«Zattaı aıǵaq retinde eki myń teńge kólemindegi aqsha alyndy. Júrgizýshige qatysty Ákimshilik quqyq buzý kodeksiniń 590-baby 1-bólimi jáne para usynǵany úshin QR QK 367-baby 1-bólimi boıynsha is qozǵalǵan. Atalǵan is negizinde tergeý júrip jatyr», - dep málim etti oblystyq PD baspasóz qyzmeti.