Qaraǵandyda pırotehnıka buıymdaryn zańsyz satqandarǵa 2 mln teńge aıyppul salyndy
QARAǴANDY. QazAqparat – Qaraǵandylyq polıtseıler 5 myń pırotehnıkalyq buıymdardy tárkiledi. Bul buıymdardyń barlyǵy zańsyz satylǵan, dep habarlaıdy QazAqparat tilshisi.
Qaraǵandy oblysynyń aýmaǵynda 2019 jylǵy 17 jeltoqsan men 2020 jylǵy 3 qańtar aralyǵynda 2 kezeńde «Pırotehnıka» jedel-aldyn alý is-sharasy ótkizildi.
Jedel aldyn alý is-sharalaryna oblystyń ishki ister organdarynyń 400-ge jýyq qyzmetkeri jumyldyryldy.
«Tıisti ruqsatsyz pırotehnıkalyq buıymdardy zańsyz satýdyń 64 faktisi anyqtaldy, 64 jeke tulǵaǵa qatysty QR ÁQBK 196-baby boıynsha hattama toltyryldy. Jalpy somasy 2 221 044 teńge aıyppul salynyp, 4715 dana pırotehnıkalyq buıymdar tárkilendi», - dedi PD baspasóz qyzmeti.
