Qaraǵandyda pıtstserııa janynda jasóspirimdi soqqyǵa jyqqandar anyqtaldy
QARAǴANDY. QazAqparat - Polıtsııa Qaraǵandy qalasyndaǵy pıtstserııalardyń biriniń janynda jasóspirimdi soqqyǵa jyqqandardyń kim ekenin anyqtady, dep habarlaıdy ekaraganda.kz.
«Polıtsııa bólimine 38 jastaǵy áıel shaǵym túsirip, qaladaǵy pıtstserııalardyń biriniń janynda jasóspirim balasyn belgisiz bireýlerdiń soqqyǵa jyqqanyn aıtty. Arnaıy júrgizilgen jedel-izdestirý sharasynyń barysynda tóbeleeske qatysqandardyń kimder ekeni belgili boldy»,- dep habarlady Qaraǵandy oblystyq Polıtsııa departamentiniń ókilderi.
Atalǵan oqıǵa boıynsha QR QK-niń 293 baby, 2-shi bóligi «Top bolyp uıymdasyp, buzaqylyq jasaý» boıynsha sotqa deıingi tergeý sharalary bastaldy.
Buǵan deıin Qaraǵandydaǵy pıtstserııalardyń birinde oryn berýden bas tartqan jasóspirimdi belgisiz bireýlerdiń sabap ketkenin habarlaǵan bolatynbyz. Tóbeles mekemeniń beınebaqylaý kamerasyna jazylyp qalǵan. Kadrda balany teýip jatqan sátter jazylǵan jáne aq qarda qan izderi baıqalady.
