Qaraǵandyda pedofıl qurbany bolǵan bes jasar qyzǵa ota jasaldy
QARAǴANDY. QazAqparat - Sátpaev qalasynda pedofılden zorlyq kórgen bes jasar qyzǵa ota jasaldy.
«Qyz balaǵa oblystyq balalar aýrýhanasynda operatsııa jasaldy. Onyń jaǵdaıy ortasha aýyr dep baǵalanýda. Balaǵa tolyqtaı keshendi medıtsınalyq kómek kórsetilýde», - dep habarlady Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Balanyń ata-anasy janynda. Ota sátti ótti, bala endi emdeý kýrsyn qabyldaıdy. Bala ǵana emes onyń ata-anasy da aýyr sıhologııalyq soqqy aldy. Otbasyna kásibı mamandar psıhologııalyq kómek kórsetýde.
Aıta keteıik, 23 shilde kúni 40 jastaǵy Sátbaev turǵyny 5 jastaǵy qyzynyń joǵalyp ketkeni týraly habarlaǵan bolatyn. Sol kúni polıtsııa qyzmetkerleri 50 jastaǵy jergilikti turǵyndy ustady, onyń jatyn bólmesinen 5 jastaǵy búldirshin tabyldy.
Osy iske qatysty bes jasar qyzdy zorlady degen kúdikpen ustalǵan 50 jastaǵy azamat sotqa deıingi tergeý amaldary aıaqtalǵansha eki aıǵa qamaldy. Al pedofıldi soqqyǵa jyqqan polıtseı kepilaqsha tólep, bostandyqqa shyqty. Alaıda QR Qylmystyq kodekstiń 362-baby - «Qyzmet babyn asyra paıdalaný» boıynsha qozǵalǵan isti tergeý amaldary aıaqtalǵansha polıtseı bostandyqta júre alady.
