Qaraǵandyda páterdi zańsyz jalǵa berip kelgen 1300-ge jýyq adam anyqtaldy

QARAǴANDY. QazAqparat - Qaraǵandyda arendalyq baspanalardyń «kóleńkeli» naryǵyn azaıtýǵa, sol arqyly oblys bıýdjetin tolyqtyrýǵa múmkin boldy, dep habarlaıdy «QazAqparat» HAA tilshisi.

Jergilikti bıýdjetti tolyqtyrý ádisteri týraly aımaqtyq memlekettik kirister departamentiniń basshysy Azamat Ahmetov ákimdikte ótken keńeste baıandap berdi.

Ol jospardyń jekelegen túrlerine toqtaldy. Olardyń biri baspanalaryn jalǵa beretin azamattardy anyqtaý jáne olardy salyqtyq mindettemelerge tartý bolyp tabylady.

«Josparly 10,9 mln. teńgeniń ornyna 12,3 mln. teńge tústi nemese 113,1 paıyz. 2015 jylmen salystyrǵanda túsimder 6,4 mln. teńgege nemese 52,5 paıyzǵa artty. Atalmysh tarmaq boıynsha jumystar oblystyq ІІD-men birlesip júrgizildi. Júrgizilgen shuǵyl is-sharalar boıynsha polıtsııa qyzmetkerleri páterlerin jalǵa beretin azamattardyń tólegen salyqtary boıynsha málimetterdi usynyp otyrdy. Sondaı-aq memlekettik kirister organdary PIK málimetterin tekserý jáne BAQ-ta jyljymaıtyn múlikti jalǵa berý boıynsha aqparatqa taldaý júrgizý arqyly túsimderdi óz betimen de qamtamasyz etti», - dep atap ótti departament basshysy.

Onyń aıtýynsha, barlyq joldar arqyly jyljymaıtyn múlikti jalǵa berip otyrǵan 1260 adam tabyldy. Úlken kómekti memlekettik kirister jáne ishki ister organdary kórsetti. 52 jaǵdaıda PIK-tegi aqparat berýshiler qolǵabys etti. Nátıjesinde, qolǵa alynǵan sharalar bıýdjetke qosymsha kirister alyp keldi.

foto "RG"