Qaraǵandyda páterdegi órtten eki áıel men sábı kóz jumdy
QARAǴANDY. QazAqparat - Qaraǵandy qalasynda bir otbasynan úsh adam órtten kóz jumdy, dep habarlaıdy QazAqparat oblystyq tótenshe jaǵdaılar departamentine silteme jasap.
Vedomstvonyń málimetinshe, 7 qazan kúni saǵat 15:08 kezinde qalanyń Ermekov kóshesi, 52 mekenjaıyndaǵy órt týraly habarlama kelip túsken.
Qyzyl jalyn 9-qabattaǵy eki bólmeli páterdiń 50 sharshy metr aýmaǵyn sharpyǵan.
Departament kúshimen kireberis páterlerinen 6 adam (onyń ishinde 4 bala bar) qutqaryldy.
Sondaı-aq 18 adam (onyń ishinde altaýy - bala) evakýatsııalandy.
Órtengen páterde úsh adam mert boldy. Olar - 1942 jáne 1985 jyly týǵan áıelder men 2020 jyly týǵan náreste.
Órt 16:22 shamasynda tolyq sóndirildi. Oqıǵa ornyna departamenttiń 32 qyzmetkeri, 8 tehnıka jáne Apattar medıtsınasy ortalyǵynyń brıgadasy jumyldyrylǵan.
