Qaraǵandyda para aldy degen sheneýniktiń soty toqtatyldy
QARAǴANDY. QazAqparat - Qaraǵandy oblysy, Abaı aýdany ákiminiń orynbasary Dımash Súleımenovqa qatysty sot protsesi ýaqytsha toqtatyldy, dep habarlaıdy «QazAqparat» HAA tilshisi.
Sheneýnikti sybaılas jemqorlyqqa qarsy is-qımyl departamentiniń qyzmetkerleri Qaraǵandyda 2017 jylǵy 25 shildede ustaǵan bolatyn.
Ol «Óńirlerdi damytý 2020» memlekettik baǵdarlamasy aıasynda oryndalmaǵan jumystarǵa jasalǵan qujatqa qol qoıý úshin 1,5 mıllıon teńge mólsherinde para aldy degen kúdikpen tergeldi.
Alaıda D. Súleımenov sotta moraldyq-psıhologııalyq qysym jasalǵanyn aıtty. Qaraǵandy qalasy, Qazybek bı aýdandyq №1 sotynyń sýdıasy Aıgúl Myrzabekova sot tyńdalymyn toqtatyp, isti sottalýshynyń málimdemesin tekserý úshin prokýratýraǵa jiberdi.
