Qaraǵandyda para aldy degen kúdikpen Oktıabr polıtsııa bólimi bastyǵynyń orynbasary ustaldy
QARAǴANDY. 21 tamyz. QazAqparat - Qaraǵandyda para aldy degen kúdikpen Oktıabr polıtsııa bólimi bastyǵynyń orynbasary ustaldy, dep habarlady quqyq qorǵaý organdarynan.
«Qarjy polıtsııasynyń qyzmetkerleri Qaraǵandy qalasy Oktıabr polıtsııa bólimi bastyǵynyń orynbasaryn para aldy degen kúdikpen ustady. Qazir ol ýaqytsha ustaý ızolıatoryna toǵytyldy», - dedi quqyq qorǵaý organdaryndaǵylar.
Qolda bar aqparattarǵa qaraǵanda, tártip saqshysy qamaýda otyrǵandardyń biriniń týysynan 120 myń teńge kóleminde para alǵan.
Qaraǵandy oblysy boıynsha Qarjy polıtsııasy departamentiniń baspasóz qyzmetinde polıtsııa qyzmetkeriniń sybaılas jemqorlyq qylmysyn jasady degen aıyppen ustalǵanyn rastady. Alaıda naqty aqparat jarııa etilgen joq, vedomstvodan áli eshqandaı túsinikteme berilmedi.
