Qaraǵandyda ózin-ózi atyp óltirgen kólik ıesi jónindegi isti tergeýmen prokýratýra shuǵyldanýda

QARAǴANDY. QazAqparat - Qaraǵandy oblysynyń prokýratýrasy mas kúıinde kólik júrgizgendigi úshin ákimshilik  hattama toltyrylǵan, keıinnen ózin-ózi atyp óltirgen avtomobıl ıesine baılanysty tergeýdi polıtsııadan qaıtaryp aldy, dep habarlaıdy «QazAqparat» HAA tilshisi.

Qaraǵandy oblysy prokýratýrasy baspasóz hatshysynyń habarlaýynsha, is óndirisi arnaıy prokýrorlar basqarmasyna tapsyryldy.

QR QK 105 baby boıynsha (ózin ózi óltirýge jetkizý) qylmystyq is shynaıy jáne ádil tergeý júrgizilýi úshin Qaraǵandy oblysy prokýratýrasyna berildi. Atap aıtqanda,Qaraǵandy oblysy prokýratýrasynyń arnaıy prokýrorlar basqarmasyna tapsyryldy»,-dep habarlady óńir prokýratýrasynyń baspasóz hatshysy Nurlan Ábjanov.

Іs boıynsha birneshe saraptama taǵaıyndaldy.

Eske sala ketsek, er adamdy polıtsııa qyzmetkerleri  mas kúıinde kólik júrgizgeni úshin ustaǵan edi. Ol taksıge nemese qoǵamdyq kólikke otyrýdan bas tartqan  jáne polıtseıdi birneshe ret urǵan.  Ol polıtsııa jasaǵyn shaqyryp, álgi  polıtsııa bólimine jetkiziledi.
Ákimshilik quqyqbuzýshylyq  hattamasy, odan basqa QR QK  293 bap - «Buzaqylyq» boıynsha materıal toltyrylǵan.

Kólik ıesi  bosatylady, al avtomobıl kólik turaǵyna qoıylǵan.

Kelesi kúni júrgizýshiniń týystary onyń oq tıip ólgen máıitin tapqandyǵyn polıtsııaǵa habarlaǵan.

Bul fakti boıynsha sot aldy tergeý bastaldy.