Qaraǵandyda ózen qara túske boıalyp, jaıylym lastandy: Ekologtar sebebin anyqtap jatyr

QARAǴANDY. QazAqparat - Qaraǵandy oblysynda ózenniń qara túske boıalýyna qatysty «KAZ Ferrıt» JShS túsinik berdi. Bul jóninde QR Ekolgııa, geologııa jáne tabıǵı resýrstar mınıstrligine silteme jasap QazAqparat habarlaıdy.

Qaraǵandy oblysyndaǵy Kýrıanovskıı kentiniń turǵyndary oblystyq ekologııa departamentine shaǵymdandy. Aýyl halqy «KAZ Ferrıt» JShS jerdiń relefine lastanǵan qara sýdy únemi tógetinin aıtyp hat jazǵan. Saldarynan ol Vesnıanka ózenine jáne topyraqqa ótedi, sóıtip ózen aǵysynan tómen jaıylymdardy lastaıdy.

«Osy fakt boıynsha Qaraǵandy oblysy boıynsha ekologııa departamentiniń qyzmetkerleri aýylǵa baryp, sýda lastaýshy zattardyń bar-joǵyn anyqtaý úshin sý synamasyn iriktep aldy. Sondaı-aq topyraq synamasyn aldy. Qazirgi ýaqytta taldaýlarmen jumys júrgizilip jatyr. Nátıjeleri qosymsha habarlanady» dep málim etti mınıstrlikten.

Sonymen qatar, qazirgi ýaqytta «KAZ Ferrıt» JShS-ne qatysty jospardan tys tekseris uıymdastyrý máselesi qaralyp jatyr.

Qorytyndy týraly qosymsha habarlanady.