Qaraǵandyda ótken merekelik sherýge 12 myń adam qatysty

Mereke Buqar Jyraý dańǵylynyń boıyndaǵy saltanatty sherýden bastaldy. Oǵan 12 myń adam qatysty.

Aldyńǵa qatarda Qaraǵandy oblysynyń ákimi Erlan Qoshanov bastaǵan etnomádenı birlestikterdiń ókilderi júrdi. Sherý Ortalyq saıabaq mańyndaǵy jaǵalaýda aıaqtaldy. Onda kúni boıy buqaralyq merekelik sharalar ótip jatqan bolatyn.

Sherýden soń mereke teatrlandyrylǵan kóriniske ulasty.

Sahnadan oblys turǵyndaryn merekelerimen óńir basshysy quttyqtady.

«Búgin biz beıbitshilik pen dostyqtyń basty merekesi -Qazaqstan halqynyń birligi kúni merekesin atap ótýdemiz. Búgingi merekelik sherýge 12 myń adam qatysty. Onyń da jóni bar. Biz eldiń eń polıetnıkalyq óńirleriniń birinde turamyz. Barlyqtaryńyzdy Birlik kúnimen quttyqtaımyn. Men Sizderden kúndelikti kúıbeń tirshiliktiń barysynda mynaý álemniń qanshalyqty názik ekenin, sol sebepti ony kózdiń qarashyǵyndaı saqtaý qajettigin umytpaýdy suraımyn. Bizdiń ata-babalarymyz birlik joq jerde, tirlik joq degen bolatyn. Sol sebepti men Sizderdi bolashaq isterimizdi dostyq qarym-qatynasta júzege asyrýǵa shaqyramyn!»,-dedi Erlan Qoshanov.

Oblys ákimi sonymen qatar Qazaqstan halqy Assambleıasynyń XXVI sessııasynda lıtva etnomádenı birlestiginiń jetekshisi, jerles Vıtalıı Iono Tvarıonastyń Elbasy basqaratyn Qazaqstan halqy Assamleıasy tóraǵasynyń orynbasary bolyp saılanǵanyn aıtyp ótti.

«Alǵash ret Qaraǵandy turǵyny osy qurmetti laýazymǵa laıyqty dep tanyldy. Bul búkil oblystyń assambleıasynyń jumysynyń oń jolǵa qoıylǵandyǵynyń kórinisi»,-dedi Erlan Qoshanov.

Onda merekege jınalǵan qaýymǵa «Saryarqa saryndary», «Horovod drýjby» horeografııalyq kompozıtsııalary usynyldy.

Etnomádenı birlestikterdiń ánshileri men bıshiler ujymy Qazaqstandy turatyn halyqtardyń ulttyq kıim úlgilerimen shyǵyp, óner kórsetti.

Dostyqtyń belgisi retinde aspanǵa 1 myń shar ushyryldy.