Qaraǵandyda otbasylyq densaýlyq ortalyǵy ashyldy
QARAǴANDY. QazAqparat - Qaraǵandy qalasynda otbasylyq densaýlyq ortalyǵy ashyldy. Mekemede terapevtter, pedıatrlar jáne akýsher-gınekologtar naýqastardy qabyldaıdy, dep habarlady óńir basshysynyń resmı saıty .
Erjanov eóshesi 28/2 mekenjaıy boıynsha ornalasqan jańa otbasylyq densaýlyq ortalyǵy - bul №1 emhananyń fılıaly bolyp tabylady. Munda keń profıldi dárigerlerdiń qaralýyna kelip, analız tapsyryp, rentgen, ÝDZ jáne FGDS ótýge bolady. Jýyrda jyljymaly keste boıynsha munda salalyq mamandar qabyldaý júrgizedi. Sonymen qatar shaǵyn emhana zamanaýı tehnıkamen jáne dárigerlerdi qaǵazbastylyqtan aryltyp jumystarynń ońtaılandyrýǵa múmkindik beretin aqparattyq júıemen qamtylǵan.
- Bizdiń ortalyqtyń ashylýy emhanadaǵy dárigerlerimizdiń jumysyn birshama jeńildetip, dárigerlerge kirýge kezekterdi qysqartýǵa múmkindik beredi. Menińshe ol óte tamasha. Bizde naýqastardyń jaılylyǵy men dárigerler jumysynyń sapasyn arttyrýǵa barlyq qajetti jaǵdaı jasalǵan, - dedi №1 emhana dırektory Roza Razıeva. Qazirdiń ózinde ortalyqqa 20 000 adam tirkelgen.
Búgin otbasylyq densaýlyq ortalyǵynda Qaraǵandy oblysynyń ákimi Erlan Qoshanov bolyp qaıtty.
- Bul ortalyqty biz memlekettik - jekeshelik áriptestik prıntsıpi boıynsha ashtyq. Biz árdaıym bıznesmenderimizdiń jumysyna qoldaý kórsetemiz. Olar úshin jaǵdaı jasap, túrli máselelerdi sheshemiz, uzaqmerzimdi memlekettik tapsyrys beremiz. Osylaısha, bıznes senimdi seriktes retinde memleketpen qyzmet etedi. Bul memleket úshin de, kásipkerler úshin de tıimdi. Búgingi tańda biz MJS jelisi boıynsha 21 jobany iske asyrdyq. Bul elimiz boıynsha úzdik kórsetkishter. Osyndaı áriptestiktiń arqasynda biz kóptegen áleýmettik máselelerdi sheshtik. Eger osynyń barlyǵy bıznestiń kómeginsiz sheshiler bolsa, birneshe jylǵa sozylyp keter edi, - dedi ol.
Aıta ketken jón, ınvestor ortalyqtyń qurylysyna 400 mıllıon teńge jaratqan.
