Qaraǵandyda otandyq ІT-jobalar kórmesi ótti

QARAǴANDY. QazAqparat  - Qaraǵandyda keshe, 16 tamyzda «Tsıfrlyq Qazaqstan» memlekettik baǵdarlamasy aıasynda Tsıfrlandyrý kúni ótti.Shara Qaraǵandy oblysy ákimdiginiń qoldaýymen uıymdastyryldy, dep habarlaıdy óńir basshysynyń resmı saıty. 

Baǵdarlama úsh bólimnen turady: «Tsıfrlandyrý - ekonomıkany damytýdyń draıveri» dóńgelek ústeli, otandyq ІT-jobalar kórmesi jáne «Smart city Karaganda» Hakaton. 

Dóńgelek ústelde memlekettik organdardyń ІT-qaýymdastyqtarmen baılanysyna qatysty suraqtar talqylandy. Oǵan Qaraǵandy, Pavlodar, jáne Shyǵys Qazaqstan oblystarynyń, Astana qalasynyń ókilderi qatysty. Qatysýshylar Smart city salasynda júzege asyrylyp jatqan jobalar týraly aıtty. Sheshimin kútip turǵan máseleler de ortaǵa salyndy. 
Al N.Ábdirov atyndaǵy sport saraıynda otandyq ІT-jobalar kórmesi ótti. 

- Jalpy sany bul jerde 12 joba qoıylǵan. Bular ártúrli salada: densaýlyq saqtaý, bilim, qoǵamdyq tártipti saqtaý jáne ózge de salalarda qoldanylýda. Kórmeniń maqsaty - jobalardyń tanymaldylyǵyn arttyrý, sandyq tehnologııalardy engizýge birlese kúsh salýǵa shaqyrý, - deıdi Qaraǵandy oblysynyń aqparattandyrý, memlekettik qyzmet kórsetý jáne arhıvter basqarmasy basshysynyń orynbasary Rýstam Baıjanov. 
«Qazaqtelekom» kompanııasy bıznes úshin ІT-sheshimder paketin, sonymen qatar beınebaqylaý qyzmetin usynady: kólik jáne málimetterdi saqtaý júıesi, quqyq qorǵaý organdaryna arnalǵan, jergilikti bılik organdaryna, bilim uıymdaryna jáne taǵy basqa. 
«Perspektıva» ǵylymı-óndiristik birlestigi» JShS qaýipsizdikti qamtamasyz etý salasynda óziniń jobasyn usyndy. Kompanııanyń beınebaqylaý júıesin qurý jáne tıimdi paıdalanýda Qaraǵandy oblysynyń quqyq qorǵaý organdarymen jumys isteýde úlken tájirıbesi bar. Qazirgi tańda Qaraǵandy boıynsha 4000-nan astam kamera ornatylǵan, onyń 1248-i dalada, 3144-i bilim nysandarynda tur. 

EKG telemetrııa júıesin Astana kásiporny «SapaTeleMed» usyndy. Ol jobany Qaraǵandy oblysynyń kardıohırýrgııa ortalyǵymen birlesip júzege asyrady. Bul júıede búgingi tańda oblystyń 70 medıtsınalyq mekemesi jumys isteıdi. Oblystyq jedel EKG-dıagnostıka telemedıtsınalyq júıesi qurylǵan. Onyń kómegimen shalǵaıdaǵy eldi meken turǵyndary joǵary sapaly kómek ala alady. 

Tsıfrlandyrý kúnin «aqyldy qalalar» salasyndaǵy jobalardy damytýǵa baǵyttalǵan Hakaton aıaqtady.  Hakatonnyń jalpy júlde qory 1 mln teńge.