Qaraǵandyda órtten eki adamdy qutqarǵan azamat marapattaldy
ASTANA. QazAqparat - Qaraǵandy oblysynyń Tótenshe jaǵdaılar departamentinde órt kezinde eki adamdy qutqarǵan A.V. Shınkarevty marapattaý rásimi ótti. Bul týraly Qaraǵandy oblysynyń TJD baspasóz qyzmeti habarlady.
Baspasóz málimetterine qaraǵanda, 2018 jyldyń 19 aqpanynda keshki saǵat 05-00-der shamasynda Qaraǵandy oblysy Shahtınsk qalasyndaǵy Severozapadnyı kentindegi Zagarajnaıa kóshesi 3 úı, 2 páterindegi birqabatty jekemenshik turǵyn úıde gaz ballonynyń aqaýy saldarynan bolǵan jarylystan keıin №2 páterde órt bolǵan.
Órttiń jalpy aýdany 200-ge jýyq sharshy metrdi quraıdy. Órt nátıjesinde 2001 jyly týǵan jasóspirim qyz ben 1994 jyly týǵan jigit kúıikpen aýrýhanaǵa jetkizildi. 14 adam men 3 birlik tehnıkadan turatyn TJD Órt sóndirý jáne avarııalyq - qutqarý jumystary qyzmetiniń kúshi tartyldy. Órt kezinde páterdiń túgi qalmaı janyp keti.
On jeti jasar jigit - Alekseı osy oqıǵa kezinde naǵyz erliktiń úlgisin tanytty. Osy sátsiz kúni kórshi úıde turatyn Alekseı óz úıiniń aýlasyna shyǵyp, kórshi úıden tútin shyǵyp jatqanyn kóredi, úıge jaqyndaǵan kezde ol kómek shaqyrǵan daýystardy estıdi. Sharbaqtan sekirip, janyp jatqan kórshi úıge júgiredi jáne úıdiń dálizinde kómek surap jatqan eki adamdy kóredi, oılanbastan olardy dalaǵa shyǵarady. Jas batyr olardy órtten qolymen alyp shyǵa aldy. Ol saspaı, olardy úıine aparyp jáne jedel járdem brıgadasyn shaqyrady.
«Alǵashqy medıtsınalyq kómekti er - feldsher kórsetti. Ol jalǵyz boldy jáne meniń qyzym Veronıkadan kúıikten qoryqpaı, kıimin sheshýge, kúıikke zalalsyzdandyrylǵan tańǵyshty saldy jáne baılaı alasyń ba dep surady. Veronıka senimmen «ıá» dep, feldsherge kómektese bastady»,-deıdi Alekseıdiń anasy. I.A. Shınkareva durys sheshim qalbyldaǵan balalaryn maqtan tutady.
Qaraǵandy oblysy TJD bastyǵynyń orynbasary azamattyq qorǵaý polkovnıgi B.T. Kárimov adamdardy qutqarý kezinde kórsetken erligi men jankeshtiligi úshin úshin alǵys hat tabystady jáne
«Shankarov Alekseı jasaǵan erlikti kez - kelgen eresek adam jasaı almaıdy. Bizdiń oblys turǵyndarynyń arasynda qıyn ýaqytta óz ómirin qaýipke tige otyryp, kómektesýge daıyn osyndaı batyrlarymyzdyń bar ekenine qýanyshtymyz. Sizge zor densaýlyq pen otbasylyq baqyt tileımiz!»,-dep aıtyp ótti.
Erligi úshin A.V.Shınkarev QR ІІM tótenshe jaǵdaılar komıtetiniń vedomstvalyq marapatyna usynylady. A.V.Shınkarev oqıtyn Shahtınsk taý - ken kolledjiniń dırektoryna adamdardy órtten qutqarǵany úshin marapattaýǵa ótinish hat joldanady.
Gaz ballonynyń jarylýy saldarynan zardap shekken jupqa qan qajet ekendigin atap ótken jón. 23 aqpan tańerteńgi saǵat 10 - da TJD jáne onyń bólimsheleriniń qyzmetkerleri Oblystyq qan tapsyrý ortalyǵynda qan tapsyrady.
