Qaraǵandyda órtten bir otbasyny qutqaryp qalǵan polıtseıler marapattaldy
QARAǴANDY. QazAqparat - Qaraǵandy oblysynda órt kezinde bir otbasyny qutqaryp qalǵan eki polıtseı marapattaldy, dep habarlaıdy QazAqparat tilshisi.
«Úı men kólik tolyqtaı órtenip ketti. Biraq, qýanyshqa oraı, meniń otbasymda bári din aman. Polıtseıler ýaqyty kómek kórsetpegende, qazir bizder munda turmas edik», - dedi Sortırovka turǵyny Aleksandr Maıorov.
Órt 2017 jyldyń sońynda bolǵan. Janyp jatqan úıden úsh adam - áıeli men kúıeýi jáne er adamnyń anasy qutqarylǵan. Polıtseıler bul áreketterin erlik dep eseptemeı, adamdardy qutqarǵany týraly aqparat taratpaýdy jón kórgen. Bul oqıǵa týraly oblystyq ІІD basshylyǵy kelgen alǵys hattyń arqasynda bilgen.
«Sol kúni polıtsııanyń ýchaskelik ınspektory, polıtsııa leıtenanty Asyl Jumanov pen polıtsııa aǵa serjanty Serjan Tańatov qyzmetine kirisken. Sortırovka kóshesin patrýldep júrip, jeke úıden kók tútinniń shyqqanyn baıqaǵan. Polıtseıler sharbaqtan sekirip ótip, úıge kirgen. Úıdiń esigi qulyptaýly, al terezelerinde temir tor bolǵan. Tártip saqshylary temir tordyń birin julyp alyp, úıge kirgen. Úıdiń ıesin, onyń jubaıy men anasyn es-tússiz jatqan kúıinde qutqaryp qalǵan», - dep túsindirdi Qaraǵandy oblystyq ІІD baspasóz qyzmetinen.
Qaraǵandy oblystyq ІІD jaýyngerlik jáne eńbek dańqy mýzeıinde kontsert ótkizilip, polıtseılerge qurmet kórsetildi.
«Mundaı is-sharalardy ótkizý arqyly jas polıtseılerge úlgi kórsetýge bolady», - dep atap ótti Qaraǵandy oblystyq kadr jumysy basqarmasynyń bastyǵy, polıtsııa polkovnıgi Murat Jumadildın. 
