Qaraǵandyda órtte bir áıel qaza tapty, kúıik shalǵan er adam aýrýhanaǵa jetkizildi
ASTANA. 9 maýsym. QazAqparat - 8 maýsym kúni saǵat 04:42-de Qaraǵandy oblysynyń Abaı aýdanyndaǵy Qulaıǵyr aýylynda, jekemenshik turǵyn úıde órt boldy.
Bul týraly QR TJM-niń baspasóz qyzmetinen habarlady.
Órt saǵat 06:02-de aýyzdyqtalyp, 07:16-da joıyldy. Ony sóndirýge QR TJM-niń Qaraǵandy oblysy boıynsha TDJ órtke qarsy qyzmetiniń 7 adamy men 2 tehnıkasi jumyldyryldy.
Jalyn 100 sharshy metr aýmaqty sharpydy. Oqıǵa ornynda egde jastaǵy áıeldiń múrdesi tabyldy. Túrli dárejedegi kúıik jaraqattaryn alǵan 50 jastaǵy er adam aýrýhanaǵa jetkizildi.
