Qaraǵandyda órtke oranǵan páterden eki balanyń máıiti tabyldy
QARAǴANDY. QazAqparat - Qaraǵandy qalasynda órtke oranǵan páterden eki balanyń máıiti tabyldy, dep habarlaıdy «QazAqparat» HAA tilshisi oblystyq densaýlyq saqtaý basqarmasynyń baspasóz qyzmetine silteme jasap.
«19 qańtar kúni saǵat 11.26-da jedel-járdem stansasyna Qaraǵandy qalasynyń 18-inshi móltekaýdanyndaǵy úılerdiń birine shaqyrtý tústi. Brıgada atalǵan jerge dereý jetti. Janyp jatqan páterden qutqarýshylar eki balany alyp shyqty. Dárigerler bıologııalyq ólimniń bolǵanyn belgiledi. 2008 jáne 2014 jyly týǵan balalar gazdan ýlanyp kóz jumǵan, kúıik jaraqattary tabylmady», - dep atap ótti oblystyq densaýlyq saqtaý basqarmasy baspasóz qyzmetiniń basshysy Aıjan Isa.
Kórshilerdiń aıtýynsha, bul páterde PIK qyzmetkerleri turǵan.
Órttiń sebebi anyqtalýda.
