Qaraǵandyda órtenip jatqan úıden úsh bala qutqaryldy
QARAǴANDY. QazAqparat - Qaraǵandyda órt shyqqan 5 qabatty úıden órt sóndirýshiler úsh bala men eki múmkindigi shekteýli adamdy qutqardy, dep habarlaıdy «QazAqparat» HAA tilshisi.
Úsh bólmeli páter órtengen. Órt sóndirý qyzmetkerleri jalpy 10 adamdy qaýipsiz jerge kóshirgen.
«29 qyrkúıek kúni 18:12-de órt sóndirý qyzmetine «Respýblıka dańǵyly, 8» mekenjaıynda ornalasqan 5 qabatty turǵyn úıden órt shyqqany týraly habar keldi. Jyldam jetip barǵan qyzmetkerler úsh bólmeli páterde úı jıhazdary men turmystyq buıymdardyń órtenip jatqanyn anyqtaǵan», - dep málimdedi Qaraǵandy oblystyq TJD resmı ókili Janna Dáýrenbekova.
Órtengen páterdi barlaý barysynda bólmelerdiń birinen er adamnyń denesi tabylǵan.
«Órt 30 sharshy metrdi sharpyǵan. Er adamnyń ólimi men órttiń sebepteri anyqtalýda», - dedi J. Dáýrenbekova.
Tergeýdi polıtsııa júrgizip jatyr. Olar er adamnyń kimmen turǵanyn, onyń dál neden ólgenin anyqtaıdy.
