Qaraǵandyda órtengen úıden er adamnyń máıiti tabyldy

Qaraǵandy. QazAqparat – Qaraǵandyda órt kezinde er adam kóz jumdy. Órt sóndirýshiler onyń máıitin órtti sóndirgen soń bólmelerdiń birinen taýyp aldy, dep habarlaıdy QazAqparat tilshisi.

Qaıǵyly oqıǵa keshe, 15 qyrkúıekte boldy. Dıspetcher pýltine saǵat 00.00-de Býlvarnyı tuıyq kóshesindegi turǵyn úıden órt shyqqany týraly qońyraý tústi. Órt sóndirýshilerge qońyraýdy kórshiler shalǵan.

«Býlvarnyı tuıyq kóshesinde jeke úıdiń aǵash jaqtaýlary, esik, terezeler men tóbesi jandy. Sondaı-aq aǵash konstrýktsııalardan qurastyrylǵan qora-jaılardy da jalyn sharpydy, órtengen aýmaq 120 sharshy metr. Oqıǵa ornynda 1968 jyly týǵan úı ıesiniń máıiti tabyldy. Órttiń shyǵý sebebi anyqtalýda», - dep habarlady Qaraǵandy oblysy TJD baspasóz qyzmeti.

Aıta ketý kerek, ótken táýlikte Qaraǵandy oblysy TJD-niń bólimsheleri 25 shaqyrtýǵa shyqty, onyń ishinde órtke – 19, avarııalyq-qutqarý jumystaryn júrgizý – 6, bul rette, 2 adam qutqaryldy.