Qaraǵandyda órtengen páterden er adamnyń máıiti tabyldy
QARAǴANDY. QazAqparat – Qaraǵandy qalasynyń órt sóndirýshileri qalanyń ortalyǵyndaǵy órtenip jatqan páterden er adamnyń máıitin tapty.
Olar 3 adamdy qutqaryp, úıdiń 9 turǵynyn evakýatsııalady, dep habarlaıdy QazAqparat tilshisi.
18 qyrkúıek kúni saǵat 22:29-da Qaraǵandy qalasyndaǵy N.Ábdirov dańǵylynda órt bolyp jatqany týraly habar tústi. Órt sóndirý bólimi oqıǵa ornyna jetkende, 4-qabattaǵy páterde jıhazdar ben zattar qyzyl jalynǵa oranǵan edi.
«Páterdi sholý kezinde 1968 jyly týǵan er adamnyń denesi tabyldy. Podezd qatty tútinge oranǵandyqtan qutqarýshylar qutqarý qalpaqtarynyń kómegimen podezd páterlerinen 3 adamdy qutqardy, onyń bireýi bala. Sondaı-aq baspaldaqtan 9 adamdy evakýatsııalandy, onyń ekeýi bala, - dep habarlady Qaraǵandy oblystyq TJD baspasóz qyzmeti.
Órt 22:54-te tolyq sóndirildi. Jalyn sharpyǵan aýmaq 15 sharshy metrdi qurady. Órttiń jáne adam óliminiń sebebi anyqtalyp jatyr.
Agata Muhamedjanova
