Qaraǵandyda órtengen páterden áıel adam qutqaryldy
QARAǴANDY. QazAqparat – Qaraǵandyda órt sóndirýshiler órt shyqqan páterden 70 jastaǵy áıeldi ólim aýzynan aman alyp qaldy. Qarııa ıis tıgen degen dıagnozben aýrýhanaǵa jatqyzyldy, dep habarlaıdy QazAqparat tilshisi.
Tótenshe jaǵdaı búgin 25 naýryzda saǵat 08:11-de Qaraǵandy qalasynyń Osevaıa kóshesindegi turǵyn úıde boldy. 4-shi qabattaǵy páterdi ot sharpydy. Órt sóndirýshiler janyp jatqan páter ıesin qutqaryp qaldy. Zardap shekken qart áıel ýly gazdan ýlanýdyń jeńil dárejesi aldyn ala dıagnozymen medıtsınalyq mekemege jatqyzyldy.
Sondaı-aq, órt sóndirý barysynda TJD kúshimen kireberisten qutqarý qaqpaqtarynyń kómegimen 5 adam qutqaryldy.
«20 sharshy metr alańda zattary, jıhaz, kireberistegi jáne 1 bólmeli páterdiń zalyndaǵy tereze men esik bloktary janǵan. Órt 08:45-te sóndirildi», - dep habarlady Qaraǵandy oblystyq TJD baspasóz qyzmeti.
Órtti sóndirýge Qaraǵandy oblysy TJD Órt sóndirý jáne avarııalyq-qutqarý jumystary qyzmetiniń jeke quramynan 19 adam jáne 4 birlik tehnıkasy jumyldyryldy. Qazirgi tańda órttiń shyǵý sebebi anyqtalýda.
