Qaraǵandyda órtengen mektepte oqý qaıta bastaldy
QARAǴANDY. QazAqparat - Qaraǵandy qalasyndaǵy órtengen №36 mektepte oqý protsesi qaıta bastaldy, dep habarlaıdy QazAqparat tilshisi.
«Búgin sabaq qaıta bastalyp, oqý qalypty rejimde júrip jatyr. Tańerteń 338 balany qabyldadyq jáne shaǵyn ortalyqqa 27 bala keldi. Ekinshi aýysymǵa da balalar keldi. Tek 21 bala naqty sebeptermen kele alǵan joq», - dedi Qaraǵandy bilim bóliminiń tárbıe jáne áleýmettendirý sektorynyń jetekshisi Aqmaral Maqulbekova.
Belgili bolǵandaı, órt elektr tehnıkalyq tutaný kózindegi tuıyqtalý saldarynan shyqqan. Mekteptiń shatyryn qalpyna keltirý boıynsha jóndeý jumystary júrip jatyr.
«Biz ata-analarǵa túsinistik tanytqandary úshin alǵys aıtamyz. Eshteńege qaramastan balalaryn oqýǵa jiberdi», - deıdi A. Maqulbekova.
Eske salaıyq, birneshe kún buryn Qaraǵandydaǵy jalpy bilim beretin orta mektepte órt shyqqan edi. Keıinnen oqýshylar sabaqtaryn kedergisiz ári qaraı jalǵastyrǵan bolatyn.
