Qaraǵandyda Ortalyq ámbebap dúkendi «mınalaǵan» jalǵan terrorızmge kúdikti ustaldy
«Qabyldanǵan jedel-izdestirý sharalarynyń barysynda 26 jastaǵy Qaraǵandy turǵyny ustaldy. Ustalǵan jigit buzaqylyqpen Ortalyq ámbebap dúken ǵımaratyna jarylǵysh zat qoıylǵany týraly telefon soqqan. Oǵan qatysty QR QK 273-babymen (Lańkestik aktisi jóninde kórineý jalǵan habar berý) sotaldy tergeý júrgizilýde», - dedi oblystyq ІІD baspasóz qyzmetiniń jetekshisi Baqytjan Qudıaırov.
Ol bultartpaý sharalary oılastyrylyp jatqanyn aıtty.
Budan buryn habarlanǵandaı, seısenbi kúni, 7 maýsymda keshte Qaraǵandyda «Ortalyq ámbebap dúken» saýda ortalyǵynda jarylǵysh zat izdeldi. Mańaıdaǵy alań qorshaýǵa alyndy.
«Saǵat 19:35-te Qaraǵandy ІІB Jedel basqarý ortalyǵynyń 102 telefonyna Ortalyq ámbebap dúkenge jarylǵysh zat qoıylǵany týraly habar kelip tústi. Oqıǵa ornyna barlyq shuǵyl qyzmetter attandy. ІІD saperleri ǵımaratty túgel tekserip shyqty, jarylǵysh zat tabylǵan joq. Saǵat 20:45-te izdeýdi toqtatýǵa komanda berildi», - dep túsindirme jasady B.Qudııarov.
Onyń málimetterinshe, oqıǵaǵa baılanysty saýda úıinen 500-ge jýyq adam - kelýshiler men qyzmetkerler shyǵarylǵan.