Qaraǵandyda órt sóndirý-qutqarý sporty boıynsha Álem chempıonaty jalǵasýda

QARAǴANDY. QazAqparat – «Shahter» stadıonynda órt-qutqarý sporty boıynsha erler arasyndaǵy XVI Álem chempıonaty jáne áıelder arasyndaǵy VII Álem chempıonaty aıasyndaǵy jarystar jalǵasýda, dep habarlaıdy QazAqparat QR TJM baspasóz qyzmetine silteme jasap.

Búgin Qazaqstan, Avstrııa, Belarýs, Mońǵolııa, Polsha, Reseı, Slovakııa, Ózbekstan jáne Chehııanyń erler komandalary 100 metrlik kedergileri bar jolaqtan ótýde birinshilik úshin kúresýde. Sondaı-aq, básekege Qazaqstan, Belarýs, Reseı, Slovakııa jáne Chehııa elderinen áıelder komandalary da qatysty.

Kedergileri, shaǵyn uzaqtyǵy men joǵary qarqyndylyǵy bar 100 metrlik jolaqtan ótýdi maksımaldy shıelenisti jattyǵýǵa jatqyzýǵa jáne qysqa qashyqtyqqa júgirýmen salystyrýǵa bolady.

Bul kezeńde qatysýshy kedergiden, bóreneden ótedi, órt jeńderin alady . Butaqqa júgire otyryp, sportshy jeńniń syzyǵyn bir tutasqa qosady.

Barlyq qosylystar minsiz oryndalýy kerek. Tóreshiler máreden keıin buǵan jeke kóz jetkizedi.

Jattyǵýdyń bul túrindegi nátıjeler qashyqtyqqa júgirý jyldamdyǵyna jáne kedergilerdi jeńý tehnıkasyna baılanysty. Mańyzdy sát: jyldam bastaý, qashyqtyqta jyldam jáne yrǵaqty júgirý, aýyrlyq tsentrin utymdy berý, sporttyq snarıadtardy jeńgen kezde durys kólbeý, jeńdik jelini jyldam qosý.

Shıelenisken kúres qorytyndysy boıynsha 100 metrlik kedergileri bar jolaqtan ótý boıynsha jeke birinshilikte áıelder arasynda 1 oryn - Vyvıalova Karolınaǵa (Cheh Respýblıkasy), 2 oryn – Anastasııa Galıchanınaǵa buıyrdy ( Reseı Federatsııasy), 3 oryndy Elza Abýbakırovaǵa (Reseı Federatsııasy) oljalady.

Al erler arasynda 1 oryndy - Pavel Krpets (Cheh Respýblıkasy), 2 oryndy - Alekseı Rodın ( Reseı Federatsııasy) ıelendi. 3 oryndy Damır Kýrbanov ( Reseı Federatsııasy) ıelendi.

Erteń komandalar 4h100 metr órt sóndirý estafetasynda jarysady.