Qaraǵandyda órt kezinde úsh bala ystan ýlandy
QARAǴANDY. QazAqparat - 4 aqpanda Oktıabr aýdany 15-shaǵyn aýdandaǵy toǵyz qabatty turǵyn úıde órt shyqty, dep habarlaıdy QazAqparat QR ІІM TJK-ǵa silteme jasap.
«Órt 8-qabattaǵy 10 sharshy metrlik páterde bolǵan. Órt sóndirýshiler 13 adamdy, sonyń ishinde 7 balany qutqaryp qaldy. Tilsiz jaý 22.36-da aýyzdyqtalyp, 22.43-te sóndirildi. 2011, 2014 jáne 2018 jylǵy balalar ysty gazdan ýlanyp, aýrýhanaǵa tústi. Órttiń shyǵý sebebi anyqtalyp jatyr. Órt shyqqan jerge jeke quramnan 25 adam jáne Qaraǵandy oblystyq TJD 8 tehnıkasy tartyldy», - delingen habarlamada.
