Qaraǵandyda orkestrler sherýi ótti

Qalada sherýge qatysýshylar sharany Táýelsizdik alańynan bastady. Mýzykanttar men bıshiler sap túzep, Kaskad alańynyń ústimen, sonan soń Jaýynger-Internatsıonalıster kóshesin boılap, ortalyq saıabaqtyń basty alleıasymen júrip ótip, saltanatty baǵdarlamaǵa qatysty, dep habarlaıdy karaganda-region.gov.kz .

 - Sherýge daıyndyqty qysta bastaǵanbyz, - deıdi Amanjolov atyndaǵy mýzykalyq mekteptiń dırektory Sáýlesh Mádıeva. - Biz tyńǵylyqty daıyndaldyq, birneshe ret jattyqtyq. Balalar júrip kele jatyp aspapta oınaýǵa mashyqtaný úshin mektebimizdiń mańaıynda sap túzep júrdik. Dombyralar úshin arnaıy baý jasadyq, al qobyzdar belbeýmen bekitildi. Sherý barysynda olardy ustap júrý yńǵaıly bolýy úshin. Búgingi sharaǵa bizdiń mektebimizdi 50 bala men 7 ustaz qatysty. Negizinen, vokal bólimi men qazaq ulttyq aspaptar bólimshesiniń oqýshylary. Qazaqtyń ulttyq «Átteń-aı» ánin tańdadyq. 
Sherýge horeografııalyq ansamblder de qatysty. Aldyn ala daıyndyq barysynda olar júrip bara jatyp bıleýdi ǵana emes, qımyldaryn orkestrlik mýzykanyń yrǵaǵyna saı jasaýdy úırengen. 
- Iá, biz uzaq ýaqyt daıyndaldyq, - deıdi №2 óner mektebiniń «ıÝNESKO» horeografııa klýbynyń ustazy Olesıa Grıboedova. - Balalarǵa aldymen qımyldardy úırettik, sonan soń orkestrmen birge kelisip, birge jattyqtyq. 
Biz mezgilde sap túzep júrý jáne mýzyka oınaý ońaıǵa soqpady. 
- Biz úrmeli aspaptar orkestrinde oınaımyz, - deıdi mamandandyrylǵan mýzykalyq mektep-ınternattyń tárbıelenýshileri Vladıslav pen Konstantın. - Júrip bara jatyp oınaý yńǵaısyz - aspaptarymyz jeńil emes, demimiz buzylyp ketedi. Biz úsh shyǵarma oryndadyq: «Ormanshy marshy», «Grenadera» jáne «Slavıankanyń qoshtasýy». Bir mezgilde júrip bara jatyp oınaýdy úırenýge týra keldi. Sport zaldarynda jáne orkestr zaldarynda daıyndaldyq. 
Alǵashqy orkestrler sherýin uıymdastyrý QR Bilim jáne ǵylym mınıstrliginiń bastamasymen júzege asyryldy.

   

Sherýge barlyǵy 2200 mýzykanttar men bıshiler qatysty.