Qaraǵandyda onnan astam aýla abattandyrylady
Ár aýla jeke qarastyrylady – ár aýmaqqa óziniń eskızdik jobasy ázirlendi, onda fýtbol alańdary men balalar alańdary salynady, dep habarlaıdy QazAqparat tilshisi.
Jumys maýsym aıynda bastaldy. Keıbir aýlalarda túbegeıli ózgerister jasaldy. Muqanov kóshesi, 16 úı aýlasy birneshe kópqabatty úıge eseptelip salynǵan. Munda abattandyrý jumystary aıaqtalyp qaldy. Balalar qazirdiń ózinde trenajerlardy synap kórdi.
Fýtbol alańdaryn jasandy kógalmen jabý úshin elorda tájirıbesi paıdalanyldy. Standartqa sáıkes: tonap, buzýdan qorǵaıtyn qorshaý, dop syrtqa shyqpaýy úshin joǵaryda tor tartylyp, jaryqtandyryldy. N. Nazarbaev dańǵyly, 63-úıdiń turǵyndary aýlany abattandyrýdy burynnan ótinip keledi. Bul jer qaraýsyz qalǵan. Qazir bos jerde fýtbol, vorkaýt alańy, kóshe trenajerleri bar sport alańy paıda boldy. Ótken jyly keme túrindegi balalar alańy ornatyldy. Oıyn alańy keńeıtilip jatyr. Jańa keshender de ornatylady. Podezderdiń janynda oryndyqtar men ýrnalar ornatyldy. Avtoturaqtar asfalttaldy. Jaqynda N. Ábdirov dańǵyly, 22/4 aýlasynda jańa fýtbol alańy ashylady. Trenajerler men balalar alańyna arnalǵan ýchaskeler daıyndaldy.
Erjanov kóshesindegi 37 úıdiń aýlasynda tıisti jumystar júrgizilip jatyr. Jaıaý júrginshi joldaryna qyrly tas tóselip, oǵan balalarǵa arnalǵan arbalar júre alatyn yńǵaıly jol jasalǵan. Eski temir átkenshekter men qumsalǵyshtar jaqyn arada aýystyrylady. Qyryp alyp tastaǵan jer qabaty jol qyryna tógý úshin qoldanylady. Jaqynda ıAzev kóshesi, 7-shi úıdiń aýlasy da jańarady. Jeke sektordyń janyndaǵy shaǵyn qurylystar da nazardan tys qalǵan joq. Kırpıchnyı kóshesindegi 8 úıdiń aýlasyna asfalt tóseldi. Munda balalar oınaıtyn fýtbol alańy jańartylady.
«Jalpy aýdan boıynsha osy jylǵa 13 aýla aýmaǵyn keshendi abattandyrý, 17 balalar oıyn alańdaryn ornatý josparlanǵan. Ár aýlaǵa eskızdik joba ázirlenip, turǵyndardyń usynystary eskerildi. Búginde alty aýlada jumystar júrgizilýde, onyń basym bóligi oryndaldy. Іri oıyn keshenderin jetkizý kútilýde. Merdiger - Aqmola oblysynyń elordadaǵy aýlalardy abattandyrý tájirıbesi bar kompanııa. Mindetti túrde otandyq mazmun, jergilikti materıaldar qoldanylady. Jumystar turaqty baqylaýda, týyndaǵan barlyq máseleler jedel túrde sheshiledi. Barlyq jumystardy tamyz aıynyń sońyna deıin aıaqtaý josparlanyp otyr», - dep túsindirdi Qaraǵandy qalasy Qazybek bı atyndaǵy aýdan ákiminiń orynbasary Madııar Jaǵalbaıly.
