Qaraǵandyda onlaın shańǵy jarysy ótedi

QARAǴANDY. QazAqparat – Belsendi jáne salaýatty ómir saltyn ustanýshylar shańǵy jarysyna «Qarly úshtik» dep atalady. Onyń oblystyq Dene shynyqtyrý jáne sport basqarmasy jáne oblystyq qysqy sport túrleri mektebi uıymdastyrady. 13 aqpanda ótetin jarys Qazaqstan Táýelsizdiginiń 30 jyldyǵyna arnalǵan, dep habarlaıdy QazAqparat tilshisi.

Oblystyń barlyq qalasy men aýdandarynda úsh shaqyrymdyq shańǵy jarysy onlaın rejıminde ótedi. Oǵan barlyq sportshy qatysa alady. Jarys saǵat 11.00-de bastalady.

Biraq, eń aldymen, kásipqoılar da, áýesqoılar da tirkelýi kerek. Óziniń málimetterin (T. A. Á., turǵylyqty jeri, týǵan kúni, uıaly telefon nómiri) kórsete otyryp, jarystarǵa qatysýǵa ótinimdi [e-mail] elektrondyq poshtasyna jiberý qajet.

Ótinimder 10 aqpan saǵat 09.00-den 13 aqpan saǵat 00.00-ge deıin qabyldanady. Sodan keıin STRAVA mobıldi qosymshasynyń kómegimen shańǵy jarysyn jazyp, qashyqtyqty júrip ótý qajet.

Sınoptıkter 13 aqpanda jaqsy aýa-raıyn boljap otyr. Júrip ótken soń qoldanbanyń skrınshotyn ótinish bergen poshtaǵa joldaý kerek. Skrınshotta jarys kúni, ýaqyty, qashyqtyǵy jáne nátıjesi, sondaı-aq jeke málimetter kórsetiledi.

Ol 14 aqpan saǵat 11.00-ge deıin qabyldanady.

Ár jas tobyndaǵy jarystyń jeńimpazdary men júldegerleri estelik medal beriledi. Qalǵandaryna qatysýshy sertıfıkaty tabystalady.