Qaraǵandyda onkologııalyq aýrýlary bar balalarǵa arnalǵan pallıatıvtik ortalyq ashyldy
Svetlana Altynbekova – jańa ortalyqtyń alǵashqy kelýshileriniń biri. Kópbalaly ana eki erekshe bala tárbıelep otyr. Onyń uly Shyńǵys tserebraldy sal aýrýymen aýyrady. Áıel uzaq jyldar boıy Qaraǵandyda dál osyndaı ortalyqtyń ashylýyn kútip júrgenin aıtady.
«Men qalada osyndaı ortalyq paıda bolǵanyna qýanyshtymyn. Erekshe balalardyń ata-analaryna problemalarymen jalǵyz kuresý qıyn. Kóbine bizge moraldyq qoldaý qajet bolady», – dedi Svetlana.
Ortalyqty qurý Qazaqstan pallıatıvtik kómek kórsetý qaýymdastyǵynyń bastamasymen jáne AMANAT partııasy depýtattarynyń qoldaýymen júzege asyryldy.
Ashylý kúni kishkentaı patsıentter úshin anımatorlardyń qatysýymen oıyn-saýyq baǵdarlamasy uıymdastyryldy. Al analarǵa syılyqtar, gúlder usynylyp, azyq-túlik sebetteri daıyndaldy.
«Pallıatıvti medıtsınalyq kómek kórsetý – bul ómirge qaýipti aýrýlarǵa baılanysty problemalarǵa tap bolǵan patsıentter men olardyń otbasylarynyń ómir súrý sapasyn jaqsartýǵa baǵyttalǵan tásil. Erte dıagnostıkanyń, durys baǵalaý men emdeýdiń, sondaı-aq fızıkalyq, psıhoáleýmettik nemese rýhanı bolsyn, basqa da problemalardy sheshýdiń arqasynda pallıatıvtik kómek naýqastardyń aýrýyn jeńildetýge múmkindik beredi», – dep atap ótti Qazaqstan balalaryna pallıatıvtik kómek qaýymdastyǵynyń dırektory Álııa Qadyrálıeva.
Ortalyq qyzmetkerleri óz qamqorlyǵyndaǵy adamdarǵa sapaly kómek kórsete alýy úshin medıtsına qyzmetkerleri men ata-analarǵa oqytý kýrstaryn ótkizýdi kózdep otyr. Qazir arnaıy patsıentter kiretin klıenttik baza men mobıldi top qurý josparlanǵan.
Aıta ketý kerek, alǵashqy pallıatıvtik ortalyq Almaty oblysynda ashyldy jáne biraz ýaqyttan beri erekshe balalardy qabyldap keledi. Qaraǵandyda mundaı mekeme Álıhanov kóshesi, 20 mekenjaıynda ornalasqan.
