Qaraǵandyda ónerkásiptik kásiporyn qyzmetkerleri úshin vaktsınatsııa merzimi 1 tamyzǵa deıin uzartyldy
Qalǵandary úshin vaktsınatsııa merzimi ózgerissiz qalady: 15 shildege deıin – birinshi komponent jáne 15 tamyzǵa deıin – ekinshi.
Jańa qaýly 10 shildede zańdy kúshine enedi.
Ónerkásiptik kásiporyndar men iri ujym jumysshylary vaktsınanyń birinshi komponentin osy jyldyń 1 tamyzyna deıin ala alady.
Sońǵy úsh aıda turaqty medıtsınalyq qarsy kórsetilimderi bar jáne COVID-19-ben aýyrǵandardy qospaǵanda.
Buǵan deıin olar koronavırýs vaktsınasynyń birinshi komponentin 15 shildege deıin, al ekinshisin 15 tamyzdan keshiktirmeı alýy kerek dep habarlanǵan bolatyn.
Qujatta koronavırýstyń taralýyna jol bermeýge baǵyttalǵan birqatar basqa shekteýler bar.
Atap aıtqanda, 10 shildeden bastap memlekettik organdar men uıymdarda qyzmetkerlerdiń qatysýymen azamattardy jeke qabyldaý, keńester, semınarlar jáne basqa da is-sharalardy kúndizgi rejımde ótkizýge tyıym salynady.
Keıinge qaldyrýǵa bolmaıtyn sheshimdi talap etetin jaǵdaılar erekshe bolyp tabylady. Bul rette qyzmetkerler barlyq sanıtarlyq normalar men saqtyq sharalaryn qatań saqtaýy tıis.
Sondaı-aq qonaq úılerdiń, meımanhanalardyń, shıpajaı-kýrorttyq uıymdardyń, demalys úıleriniń/bazalarynyń, týrbazalardyń, jaǵajaılardyń jáne t.b. jumysyna qoıylatyn talaptar ózgerdi.
Ashyq jobasyn paıdalaný kezinde toltyrý shekteýleri alynyp tastalady.
Sonymen qatar, qaýlyǵa sáıkes, qalalyq jáne qoǵamdyq jaǵajaılardyń aýmaǵynda jaǵajaı jabdyqtaryn (shezlongtar, sheshinetin bólmeler, aıaq jýǵyshtar jáne t.b.) áleýmettik qashyqtyq erejelerin saqtaı otyryp jáne sıgnaldyq belgileýlerdi, shekteý kedergileri men taspalardy, sondaı-aq qashyqtyqty saqtaý qajettiligi týraly aqparatty engize otyryp ornalastyrýdy qamtamasyz etý qajet.
