Qaraǵandyda on eki IT-joba tanystyryldy
QARAǴANDY. QazAqparat - Qaraǵandyda «Tsıfrlyq Qazaqstan» memlekettik jobasy aıasynda Tsıfrlandyrý kúni uıymdastyryldy, dep habarlaıdy QazAqparat tilshisi oblystyq ákimdiktiń baspasóz qyzmetine silteme jasap.
Shara Qaraǵandy oblysy ákimdiginiń qoldaýymen ótti. Baǵdarlama «Tsıfrlandyrý ekonomıkany damytýdyń draıveri ispettes» atty dóńgelek ústelden, otandyq IT-jobalardyń kórmesinen jáne «SmartcityKaraganda» Hakatony syndy úsh bloktan turdy.
Sonymen qatar, N. Ábdirov atyndaǵy sport saraıynda otandyq IT-jobalardyń kórmesi ótti.
«Munda jalpy 12 joba tanystyryldy. Olar densaýlyq saqtaý, bilim, qoǵamdyq tártipti qorǵaý jáne t.b. salalarda júzege asyp úlgergen. Jobalardy tanytý, sondaı-aq, tsıfrlyq tehnologııalardy engizý isi boıynsha kúshimizdi biriktirý kórmeniń maqsaty bolmaq», - dedi Qaraǵandy oblysynyń Aqparattandyrý, memlekettik qyzmetti kórsetý jáne muraǵattar basqarmasynyń basshysy Rústem Baıjanov.
«Qazaqtelekom» kompanııasy bıznes úshin IT-sheshimder jıyntyǵyn, sondaı-aq, quqyqqorǵaý organdaryna, jergilikti atqarýshy bılikke, bilim mekemelerine arnalǵan beınebaqylaý qyzmetterin usynady.
«Perspektıva» ǵylymı-óndiristik birlestigi» JShS qaýipsizdikti qamtamasyz etý salasyndaǵy jańa jobalaryn tanystyrdy.
Qazirgi ýaqytta Qaraǵandy boıynsha 4 myńnan astam beınekamera ornatylǵan. Olardyń 1 248-si - kóshedegi beınebaqylaý, 3 144 kamera bilim nysandarynda ornatylǵan.
Astanalyq «Sapa TeleMed» kásiporny elektrokardıografııa telemetrııasy júıesin usyndy. Joba Qaraǵandy oblystyq kardıohırýrgııalyq aýrýhanamen birlesip júzege asýda. Bul júıemen oblystyń 70 medıtsınalyq uıymy jumys jasaıdy.
Tsıfrlandyrý kúnin «aqyldy qala» salasyndaǵy jobalardy damytýǵa baǵyttalǵan hakaton túıindeıdi. Uıymdastyrýshylar keleshekte júzege asatyn qyzyqtyrarlyq ıdeıalardy kútedi. Hakatonnyń jalpy syıaqy qory 1 mln teńgeni quraıdy.
