Qaraǵandyda Olımpıada chempıondary týraly fılm túsirildi

QARAǴANDY. QazAqparat - Qaraǵandy oblystyq dene shynyqtyrý jáne sport basqarmasynyń basshysy Natalıa Sýhorýkova Qazaqstannyń Olımpıada oıyndaryna qatysqan jyldary altyn medal jeńip alǵan qaraǵandylyq olımpıadashylar týraly fılm túsirdi, dep habarlaıdy «QazAqparat» HAA tilshisi

«Men 1972 jyldan bastap Olımpıada oıyndarynda túrli jyldary jeńiske jetken qaraǵandylyqtardyń jetistigi týraly barlyq aqparattar men sýretterdi júıeleýge bel býdym. Men ony tarıh úshin, óskeleń urpaq úshin jasadym. Kitapqa Qaraǵandy oblysynyń 66 olımpıadashysy kirdi, onyń altaýy KSRO quramasynyń quramynda medaldar jeńip alǵan», - dedi N.Sýhorýkova.
 

«Qaraǵandylyq olımpıadashylar» atty fılmde Olımpıada oıyndarynda Qazaqstannyń namysyn ártúrli sport túrlerinen qorǵap jeńimpaz atanǵan sportshylar týraly baıandalady.

Kitap pen fılm «Rýhanı jańǵyrý» baǵdarlamasy jáne Ulttyq Olımpıada komıtetiniń 25 jyldyǵy aıasynda jaryq kórdi.

Týyndynyń bas keıipkerleri tanystyrylymǵa arnaıy kelip, osyndaı iltıpatqa alǵystaryn aıtty.

«Altyn medaldar altynnan emes, eńbekten, jigerlilikten jáne jaýapkershilikten turady», - dedi Qaraǵandy oblysynyń ákimi Erlan Qoshanov fılm men kitaptyń tanystyrylymynda. 

Bul kitapty mektepterge, kolledjder men mamandandyrylǵan sport mekemelerinde taratý josparlanýda.