Qaraǵandyda oqýshy qyz uıyma menıngıtke shaldyqqan
QARAǴANDY. QazAqparat - Qaraǵandydaǵy № 102 mektep-gımnazııanyń oqýshysy uıyma menıngıtke shaldyqqan, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmetinde uıyma menıngıtti menıngokokk ınfektsııasymen shatastyrýǵa bolmaıtynyn jetkizdi. Uıyma menıngıttiń belgileri bir jyl boıy tanyla beredi. Bul JRVI nemese ushyq, rınıt, jóteldiń saldarynan paıda bolýy múmkin.
«Búginde oqýshy qyz aýrýhanada jatyr, qajet em-domdy qabyldaýda. Uıyma menıngıtti ýaqytynda emdese, asqynbaıdy», - dedi baspasóz qyzmetiniń ókili.
Vedomstvoda málim etkendaı, kez kelgen sebepterden týyndaýy múmkin menıngıttiń aldyn alýdyń eń úzdik joly - myqty ımmýndyq júıe, ıaǵnı durys tamaqtaný, salaýatty ómir saltyn saqtaý, shynyǵý.
«Jyl basynan beri barlyq dárigerler, sonymen qatar mekteptegi medbıkeler arnaıy oqýdan ótti. Oblysta menıngıtpen baılanysty aýyr jaǵdaılar tirkelgen joq. Aýrýhanaǵa jatqyzylǵan barlyq naýqastar bastapqy kezeńde túsken. Bul aýrýdy ýaqytymen emdeýge múmkindik beredi», - dedi oblystyq densaýlyq saqtaý basqarmasyndaǵylar.
