Qaraǵandyda oblystyq klınıkalyq aýrýhanany jóndeýge 300 mln teńge bólindi
QARAǴANDY. QazAqparat - Qaraǵandy oblysynyń ákimi Erlan Qoshanov oblystyq klınıkalyq aýrýhananyń jóndeý jumystarymen tanysty, dep habarlaıdy óńir basshysynyń resmı saıty.
Oblystyq klınıkalyq aýrhananyń terapevtik korpýsynyń ǵımaraty sońǵy ret 1984-shi jyly jóndelgen.
2016-shy jyly «Jumyspen qamtý jol kartasy 2020» baǵdarlamasyn júzege asyrý sheńberinde terapevtik korpýstyń shatyrynda kúrdeli jóndeý jasalyp, terezeleri aýystyryldy. 2017-shi jyly qasbeti jóndelip, mańyndaǵy aýmaǵy abattandyryldy.
- Bizdiń aýrýhana 1961-shi jyly salynǵan, sol ýaqyttan beri munda kúrdeli jóndeý jasalmaǵan, tek aǵymdaǵy jóndeý jumystary ótkizilip otyrǵan. Qazirgi tańda jóndeý aıaqtalýǵa jaqyn. Jasalǵan jumystar ákimniń kóńilinen shyqty, ol korpýsqa qajetti magnıtti-rezonansty jáne kompıýterlik tomografpen jabdyqtaýǵa qatysty qosymsha tapsyrmalar berdi. Aımaq basshysy aýrhanany demeýshiler esebinen, ne bolmasa MJÁ baǵdarlamasy boıynsha jabdyqtaýdy tapsyrdy. Bizdiń qyzmetkerler bul jańashyldyqtarǵa qatty qýanyp jatyr, - dep atap ótti aýrhana dırektory Marat Ábeýov. 
2018-shi jyly jóndeý barysynda 147 mln teńgeden astam qarajat ıgerildi. Al 2019-shy jyly bul maqsattarǵa 300 mln teńge bólindi.
