Qaraǵandyda oblystyq áskerı-dárigerlik komıssııa tóraǵasy kólik apatynan kóz jumdy
17 qyrkúıek kúni Qaraǵandy oblysy Shet aýdanyndaǵy Aqoı - Burma tas jolynda Toyota Land Cruiser avtokóliginiń júrgizýshisi aldyn ala boljam boıynsha rólge ıe bola almaı, aýdarylyp qalǵan. Keıin avtokólik órtengen. Avtomobıldiń 36 jastaǵy júrgizýshisi jáne 39 jastaǵy jolaýshysy, Qaraǵandy oblystyq polıtsııa departamenti okrýgtik áskerı-dárigerlik komıssııasynyń tóraǵasy Danııar Turbaev oqıǵa ornynda qaza tapty. Atalǵan fakti polıtsııada tirkelip, tıisti saraptamalar taǵaıyndaldy.
Danııar Turbaev áskerı-dárigerlik komıssııa tóraǵasy laýazymynda 2015 jyldyń qazan aıynan bastap qyzmet atqarǵan. 2006 jyly Qaraǵandy memlekettik medıtsına akademııasyn támámdaǵan. Tórt balasy bar. Qaraǵandy oblystyq polıtsııa departamentiniń basshylyǵy, ardagerler keńesi jáne jeke quramy Danııar Turbaevtyń mezgilsiz qaıtys bolýyna baılanysty otbasy, týǵan-týystarynyń qaıǵysyna ortaqtasyp, kóńil aıtady.
