Qaraǵandyda oblystaǵy alǵashqy Allergologııalyq ortalyq ashyldy
ASTANA. QazAqparat - Qaraǵandyda Oblystyq allergologııalyq ortalyq jumysyn bastady. Densaýlyq saqtaý salasyndaǵy joba memlekettik-jekemenshik áriptestik jelisi boıynsha júzege asyryldy, dep habarlaıdy QazAqparat aımaq basshysynyń baspasóz qyzmetine silteme jasap.
Jańa medıtsınalyq uıymnyń jumysymen tanysyp qaıtqan Qaraǵandy oblysynyń ákimi Erlan Qoshanov ony oblystyq deńgeıdegi alǵashqy allergologııalyq ortalyq ekendigin atap ótti.
Salynǵan qarajat 500 mln teńgeni qurady, bul qarjynyń jartysy medıtsınalyq qurylǵylarǵa jumsaldy. Jabdyqtar arasynda zamanaýı tsıfrlyq rentgen-qurylǵysy, sońǵy býynǵy lor-kombaın bar. Ortalyq bir aýysymda 100 kelýshilerge shaqtalǵan.
Onyń bazasynda Qaraǵandy memlekettik medıtsınalyq ýnıversıtettiń ımmýnologııa jáne allergologııa kafedrasy ornalasatyn bolady.
«Bizdiń ortalyqtyń ereksheligi - munda eresekter men balalarǵa arnalǵan allergolog dárigerlermen qatar shektes mamandyqtar dárigerleri: pýlmonolog, ınfektsıonıst, endoskopshy jáne basqalary bolady. Biz emdelýshiler úshin bir jerde qajetti analızderdi tapsyryp, osynda bilikti keńes alýǵa bolatyndaı barynsha jaıly jaǵdaı jasaýǵa tyrystyq. Biz zerthanalyq zerttemeler arqyly 200-den astam allergendi anyqtaı alamyz, sonymen qatar 10-nan astam teri synaqtaryn ótkizetin bolamyz.
Jekemenshik ortalyqtyń qyzmetin emdelýshiler tegin - memlekettik tapsyrys arqyly ala alady», - deıdi Oblystyq allergologııalyq ortalyqtyń bas dárigeri Merýert Ǵazalıeva.
Allergopatologııa búgingi tańda eresekter men balalar arasynda eń kóp taralǵan aýrý bolyp tabylady. Statıstıkaǵa saı Qazaqstanda allergııamen árbir úshinshi turǵyn aýyrady.
