Qaraǵandyda oblys ákiminiń «Altyn Suńqar» syılyǵy tabys etildi
QARAǴANDY. QazAqparat - Qaraǵandyda oblys ákiminiń «Altyn Suńqar» syılyǵy tabys etildi. Bul marapat kásibı mereke qarsańynda jyl saıyn BAQ úzdik qyzmetkerlerine kásipqoılyǵy, shyǵarmashylyq kózqarasy jáne qoǵamdyq tanylýy úshin beriledi, dep xabarlaıdy QazAqparat tilshisi.
Saltanatty rásim bıylǵy jyly «Óńirlik BAQ. Damý vektorlary» atty forým aıasynda ótti. Sharaǵa Qaraǵandy oblysynyń barlyq qalalary men aýdandarynyń jýrnalısteri qatysty.
Forýmǵa qatysýshylardy buqaralyq aqparat quraldary qyzmetkerleri kúnimen Erlan Qoshanov quttyqtady.
"Prezıdent aıtqandaı, bizge qazir halyqpen ashyq jáne ónimdi dıalog qurý mańyzdy. Biz óz tarapymyzdan ózara dıalog qurýǵa árdaıym daıynbyz. Sizderdi kásibı merekelerińizben quttyqtaýǵa ruqsat etińizder! Barlyqtaryńyzǵa shyǵarmashylyq tabys tileımin. Sizdermen odan ári yntymaqtastyq ornatýǵa úmittenemin", - dedi aımaq basshysy.
«Altyn Suńqar» syılyǵy bizdiń oblysta 2006 jyly bekitilip, sodan beri jyl saıyn tabystalady.
Oblys ákiminiń syılyǵyna ár túrli nomınatsııalar boıynsha jergilikti jáne respýblıkalyq BAQ ókilderi ıe boldy.
Marapatqa ıe bolǵandar:
- «Mamandyqqa adaldyǵy úshin» nomınatsııasynda jýrnalıstıka salasynyń ardageri Aman Janǵojın;
- «Belsendi ómirlik ustanymy úshin» nomınatsııasynda - AtamekenBusinessChannel aımaqtyq tilshisi Oleg Gýsev;
- «Obektıv sheberi» nomınatsııasynda - «Vzglıad na sobytııa» gazetiniń fotografy darhan Mýsın;
- «Aýyl taqyrybyn úzdik jarııalaý nomınatsııasy - «Qarqaraly» aýdandyq gazetiniń tilshisi Baný Muqasheva;
- «Áleýmettik taqyrypty úzdik jarııalaý» nomınatsııasy - «5 kanal» telearnasynyń jýrnalısi Baqytgúl Matýova;
- «Óndiris taqyrybyn úzdik jarııalaý» nomınatsııasy - «Birinshi Qaraǵandy» telearnasynyń bas redaktory Almas Musabekov;
- «Alǵashqy tabystary úshin» nomınatsııasynda - «Jańaarqa» aýdandyq gazetiniń tilshisi Móldir Qasymova;
- «Jyldyń úzdik shyǵarmashylyq jumysy» nomınatsııasy boıynsha - «Qazaqstan» AQ RTRK QOF rejısseri Aıjan Abdrahmanova;
- «Máner men atqarymdylyq úshin» nomınatsııasynda - «Ortalyq Qazaqstan» oblystyq gazetiniń jaýapty hatshysy Nurkanat Qanafın
- «Eńbek adamy» taqyrybyn úzdik jarııalaǵyny jáne
nasıhattaǵany úshin» nomınatsııasy boıynsha - «Qazaqstan» AQ RTRK QOF Jańalyqtar qyzmetiniń shef-redaktory Janar Alpysbaı.
Sondaı-aq, bıylǵy jyly «Din salasyndaǵy memlekettik saıasatty úzdik jarııalaǵany úshin» jańa nomınatsııa engizildi. Bul atalym boıynsha oblystyq «Indýstrıalnaıa Karaganda» gazetiniń ujymy jeńimpaz atandy.
Oblys ákiminiń 1 mln teńge kólemindegi basty syılyǵy bıylǵy jyly Jezqazǵan qalasynyń «Dıdar» telearnasynyń ujymyna berildi.
