Qaraǵandyda «Nurly jer» baǵdarlamasy boıynsha páter kiltteri tabystaldy

KARAǴANDY. QazAqparat – Qaraǵandyda «Nurly jer» baǵdarlamasy boıynsha páter kiltteri tabystaldy, dep habarlaıdy QazAqparat tilshisi.

Naýryz meıramy qarsańynda ýnıversıtet qyzmetkerleri, memlekettik bilim berý jáne densaýlyq saqtaý uıymdarynyń qyzmetkerleri baspanaly boldy. Bul Qazaqstandyq ıpotekalyq kompanııa men bilim jáne densaýlyq saqtaý mınıstrligi arasyndaǵy memorandým aıasynda berilgen qaladaǵy alǵashqy páterler.

«Qazaqstan Respýblıkasynyń Tuńǵysh Prezıdenti - Elbasynyń áleýmettik bastamalaryn iske asyrýdyń arqasynda elimizdiń kóptegen azamattary tıimdi sharttarmen baspana alýda. Jyl basynan beri 54 dáriger «Nurly jer» baǵdarlamasy boıynsha páter kiltterin aldy. Búgin biz Qaraǵandy qalasynyń bilim berý jáne densaýlyq saqtaý qyzmetkerlerine kiltterdi tabystadyq», - deıdi «Qazaqstan ıpotekalyq kompanııasy» AQ basqarma tóraǵasynyń orynbasary Aısultan Akchýrın.
Maıqudyqtaǵy úıden 21 otbasyǵa páter berildi. Olar jaldamaly turǵyn úı úshin ár sharshy metrine aıyna 1 232 teńge mólsherinde tóleıdi.