Qaraǵandyda NOMAD MMA boıynsha Azııanyń ashyq chempıonaty ótip jatyr
26-28 qazan aralyǵynda Qaraǵandyda NOMAD MMA stıli boıynsha IV Ashyq Azııa chempıonaty ótedi. Іs-sharany osy jekpe-jektiń Dúnıejúzilik jáne Respýblıkalyq federatsııasy uıymdastyrdy.
Chempıonatqa 8 elden – Reseı, Qyrǵyzstan, Ózbekstan, Tájikstan, Pákistan, Iran, Bangladesh jáne Qazaqstannan 768 sportshy qatysady.
Chempıonattyń mańyzdy maqsattarynyń biri – NOMAD MMA-ny QR-da jáne odan tys jerlerde tanymal etýge járdemdesý úshin kúsh biriktirý. Sport sektsııalaryna odan da kóp jastardy tartý, olardyń arasynda salaýatty ómir saltyn nasıhattaý dene shynyqtyrýǵa ǵana emes, sonymen qatar joǵary moraldyq damýǵa da yqpal etedi dep sanaıdy chempıonatty uıymdastyrýshylar.
«Biz bul sport túrin 20 jyl boıy damytyp kelemiz. 2010 jyly osy jekpe-jektiń resmı erejeleri bar kitap shyqty. Búgingi tańda álemniń 27 eli osy sport túrimen aınalysady. ıAǵnı, NOMAD MMA qazaqstandyq brendi jyl saıyn damyp keledi», - deıdi NOMAD MMA stıliniń negizin qalaýshy Sergeı An.
Sergeı Annyń aıtýynsha, jekpe-jektiń osy túri boıynsha chempıonattardy tek Qazaqstanda ótkizý beker emes. Osylaısha Federatsııa shalǵaıdaǵy aýyldar men eldi mekenderdiń jas sportshylaryna halyqaralyq saıysqa qatysýǵa jáne chempıon bolýǵa múmkindik beredi. Bul shetelge shyǵa almaıtyndar úshin úlken múmkindik.
Sondaı-aq, bul sport túrli stıldegi balýandardyń qatysýyn qamtıdy. Jekpe-jektiń basty aıyrmashylyǵy – NOMAD MMA stılindegi erejelerdiń ámbebaptyǵy, bul óz kezeginde jarystarǵa jaýyngerlik óner nemese jekpe-jektiń kez-kelgen ókilderine qatysýǵa múmkindik beredi.
