Qaraǵandyda Naýryzdyń arýy men sultanyn tańdap, eń uzyn burymdy boıjetkendi anyqtaıdy
QARAǴANDY. 21 naýryz. QazAqparat - Qaraǵandy qalasynda Naýryz meıramyn keńinen atap ótýge daıyndalyp jatyr.
Qalalyq ákimdikten habarlaǵandaı, merekelik baǵdarlamany 22 naýryz kúni túste Táýelsizdik alańynda ótetin «Kórikti kóktem - Naýryz» atty teatrlandyrylǵan kórinis ashady.
Buqar jyraý ortalyq dańǵylynda kıiz úıler qalashyǵy ornalasady. Shamamen 40-tan astam kıiz úı tigiledi dep kútilýde. Birneshe kıiz úıde halyqtyq qolóner sheberleri óz shyǵarmashylyǵyn kórsetedi.
«Baýyrsaq-shoý» ótkiziletin bolady. Táýelsizdik alańynda qazaqstandyq estrada juldyzdarynyń qatysýymen merekelik kontsert ótedi», - dep habarlady qalalyq ákimdiginen.
Qaraǵandyda 22 naýryz kúni sondaı-aq «Qarashash» (eń uzyn burym), «Naýryz arýy» jáne «Naýryz sultany» baıqaýlary ótedi. Budan basqa, qalalyqtar «Qara jorǵa» bıin oryndaýdan jarysady.
Merekelik sharalar qalanyń barlyq saıabaqtary men Mádenıet úılerinde ótedi.
Naýryzdy toılaýǵa birqatar sporttyq jarystar da oraılastyrylǵan. Búgin Qaraǵandyda erler toptary arasynda QR-nyń gandbol boıynsha chempıonaty bastalady. Sport súıer qaýymdy sondaı-aq badmınton, kórkem gımnastıka boıynsha ótetin qalalyq týrnırlerge de shaqyrýda. «Taekvondo» deneshynyqtyrý-saýyqtyrý kesheninde kadetter men balǵyndar arasynda ashyq qalalyq birinshilik ótedi.
