Qaraǵandyda munaı qubyrynan 30 tonna munaı urlaǵandar qolǵa tústi
ASTANA. Sáýirdiń 28-i. QazAqparat /Aıdar Ospanalıev/ - Qaraǵandyda Ulytaý aýdany arqyly ótetin munaı qubyry jelisinen 30 tonna munaı urlaǵan eki azamat qolǵa tústi. Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
dep habarlaıdy QazAqparat.
Onyń sózine qaraǵanda, ustalǵan eki azamat ta Qyzylorda qalasynyń turǵyndary bolyp otyr. Tekserý barysynda anyqtalǵanyndaı olar munaı qubyryn tesip, sol jerden munaıdy soryp alyp otyrǵan. «Tekserý jumystarynyń barysynda olardan qubyrdy tesýge arnalǵan jáne munaı soratyn túrli qurylǵylar tabyldy. Osy ýaqytta memleketke keltirilgen shyǵynnyń mólsheri men ustalǵandardyń sybaılastaryn anyqtaý jumystary júrip jatyr», dedi departament bastyǵy.
