Qaraǵandyda múmkindigi shekteýli jandar jumys jasaıtyn fabrıka ashyldy
ASTANA. QazAqparat - «M.Style Kazakhstan» kásipornynda múmkindigi shekteýli jandar - 9 múgedek jumys jasaýda.
«Qazaqstanda jasalǵan» markasymen sporttyq kıimderdi jappaı shyǵarý josparlanýda, biraq ázirge atalmysh tigin tsehy arnaıy kıimderdi óndirýde. Tapsyrystar artsa, jumys oryndar sany da ulǵaıady.
«Bizdiń mindetimiz - múgedekterdiń ómirden óz oryndaryn tabýlaryna kómektesý. Olar tek memlekettiń járdemaqysyna muqtaj emes. Olar da oqyp úırenip, jumys jasap, qoǵamǵa óz úlesterin qosqylary keledi. Alaıda, qazirgi tańda elimizdegi eńbekke jaramdy múgedekterdiń tek 13%-y jumys jasaıdy», - dep túsindirdi jas kásipker Danııar Aýpısımov.
Ol basqa da kompanııalarmen birlesip, múmkindigi shekteýli jandarǵa kómek kórsetetin qoǵamdyq qaıyrymdylyq qoryn qurdy. Satylymnan túsken qarjynyń bir bóligin naýqas balalarǵa berýdi josparlaýda. 
