Qaraǵandyda múgedektigi bar adamdardy qoldaý ortalyǵy ashyldy
QARAǴANDY. QazAqparat – Qaraǵandyda múgedektigi bar adamdardy jumysqa ornalastyrý, olarǵa konsýltatsııalyq jáne quqyqtyq kómek kórsetý máseleleri jónindegi ortalyq jumys isteı bastady. Barlyq qyzmetter tegin kórsetiledi, dep habarlaıdy QazAqparat tilshisi.
Ortalyqta jumysqa ornalasýǵa járdemdesedi, áleýmettik qyzmetterdi usyný boıynsha vırtýaldy memlekettik servıstermen jumys isteýge kómektesedi, tsıfrlyq qoltańba alýǵa, sondaı-aq qajetti qyzmetti resimdeýge kómektesedi.
«Múgedektigi bar adamǵa shuǵyl áleýmettik kómek, áleýmettik qoldaý alý úshin qujattardy resimdeýge járdemdesý, jumysqa ornalasý máseleleri boıynsha jáne t. b. qajet bolýy múmkin. Biz bul rette áleýmettik qyzmetter men jumyspen qamtý ókilderimen kelissózder júrgizip jatyrmyz, ortalyqtyń jumys jospary ázirlendi. Jaqyn arada jumyspen qamtý ortalyǵynyń, áleýmettik qorǵaý jáne densaýlyq saqtaý uıymdarynyń mamandary qabyldaý júrgizedi dep úmittenemiz, sondaı-aq zań konsýltatsııalaryn ótkizýdi josparlap otyrmyz», – dedi Qaraǵandy oblysy ákiminiń múgedektigi bar adamdar máseleleri jónindegi shtattan tys keńesshisi Nııaz Súndetalıev.
Ortalyq QAMQOR PLUS múgedekter qoǵamdyq birlestiginiń janynda jumys isteıdi.
Meken-jaıy: Nursultan Nazarbaev dańǵyly, 65/2.
Telefony: 51-25-93.
Jumys ýaqyty: 09:00-den 16: 00-ge deıin.
