Qaraǵandyda múgedekterdi saýyqtyrýǵa bólingen qarajat jymqyrylǵan

NUR-SULTAN. QazAqparat- Qarjylyq monıtorıg agenttigi Qaraǵandy oblysynda múmkindigi shekteýli jandardy sanatorııalyq-kýrorttyq emdelý, saýyqtyrýǵa bólingen bıýdjet qarajatyn jymqyrý qylmystyq shemasy boıynsha is tergelýde, dep habarlaıdy QazAqparat agenttikke silteme jasap.

Tergeý barysynda tapsyrys berýshi men JShS arasynda merzimi naýryzdan jeltoqsanǵa deıin múgedekterdi sanatorııalyq-kýrorttyq emdeý, emdik-saýyqtyrý demalysyn qamtamasyz etý boıynsha 50 mln teńgege jýyq somaǵa memlekettik satyp alý týraly kelisim-shart jasalǵany anyqtaldy.

Tapsyrys berýshiniń sybaılas jemqorlyq táýekelderiniń ishki taldaýyn tekserý aktisimen, múgedekterdiń shıpajaıǵa barýdyń jalǵan faktileri anyqtalǵan. JShS-ǵa bir jarym mıllıon teńgege jýyq qarajat negizsiz tólengen.

Tergeý jalǵasýda. QR QPK 201-babyna sáıkes tergeý múddesindegi ózge de málimetter jarııa etilýge jatpaıdy.

Vıdeodan alyn ǵ an kad