Qaraǵandyda mobıldi brıgadalardy shaqyrtý úsh esege artty
Qaraǵandy qalasynyń №1 kópsalaly aýrýhananyń mobıldi brıgadalary kúnine 350–400 shaqyrýǵa shyǵady.
Jumys kestesi saǵat 08:00-den 20:00-ge deıin dep belgilengenine qaramastan brıgadalar patsıentterge tún ortasyna deıin barady.
«Sońǵy aptalarda qońyraýlar sanynyń kúrt ósýi baıqalady. Shamamen úsh esege artty. Tańerteńnen keshke deıin sall-ortalyqtyń dıspetcherleri shaqyrtýlardy qabyldaıdy. Olar qońyraýlardy suryptaıdy. Eger patsıentter JRVI, qyzba, murynnyń bitelýi, jótel, suıyq nájis belgilerine shaǵymdansa, bul shaqyrýlar mobıldi brıgadalarǵa jiberiledi. Bizde olardyń sany 13. Eger shuǵyl kómek qajet etetin qońyraýlar tússe, olar jedel járdem qyzmetine jiberiledi. Mobıldi brıgadalar jedeldiktiń tórtinshi sanatyndaǵy shaqyrýlarǵa qyzmet kórsetedi», – dedi №1 kópsalaly aýrýhana janyndaǵy emhananyń aǵa tirkeýshisi Tatıana Boıko.
Emhana Maıqudyq shaǵyn aýdanynyń 52 myń turǵynyna qyzmet kórsetedi. JRVI jáne SOVID-19 belgileri bar patsıentter aǵynynyń ulǵaıýyna qaramastan, josparly kómek shtattyq rejımde kórsetiledi.
«Mobıldi brıgadalar alǵashqy saparynda patsıentterdi tekseredi, PTR-testter alady, emdeý boıynsha usynystar, jadynamalar beredi.
Eger naýqasta koronavırýs rastalsa, ony aýrýhanaǵa jatqyzý, kompıýterlik tomografııadan ótý týraly másele sheshiledi. Aýrý jeńil ótse, naýqas úıde ózin-ózi oqshaýlaý týraly qolhat jazady. Onyń synaqtary úıde ótkiziledi.
Aýrý deńgeıi ortasha patsıentterge qajet bolǵan jaǵdaıda pýlsoksımetrler, ystyqty túsiretin jáne bakterııaǵa qarsy preparattar beriledi. Kún saıyn onymen telefon arqyly baılanysta bolamyz. Aýrýhanaǵa jatqyzýǵa satýratsııasy tómen, dene qyzýy bes kúnnen asa túspeı turǵan, entigý, qusý nemese suıyq nájis, paroksızmaldy jóteli bar patsıentter jatqyzylady», – deıdi emhananyń úshinshi otbasylyq densaýlyq ortalyǵynyń meńgerýshisi Baljan Musa.
