Qaraǵandyda MMA boıynsha Qazaqstannyń V chempıonaty bastaldy
QARAǴANDY. QazAqparat - Qaraǵandyda Serik Sápıev atyndaǵy boks ortalyǵynda 2 kúndik MMA boıynsha Qazaqstanyń V chempıonaty bastaldy. Onda alǵash ret jańa qaǵıdalar men reglamentter qoldanylatyn bolady, dep habarlady «QazAqparat» HAA tilshisi.
Chempıonatqa Qazaqstannyń 12 óńirinen 104 sportshy qatysady. Úzdikter 9 salmaq sanatynda (52.2 kelige deıin, 56.7 kelige deıin, 61.2 kelige deıin, 65.8 kelige deıin, 70.3 kelige deıin, 77.1 kelige deıin, 84 kelige deıin, 93 kelige deıin jáne 120 kelige deıin) respýblıkalyq birinshilikte óz óńirleriniń atynan shyǵady.
MMA boıynsha Qazaqstannyń V chempıonaty aıasynda qatal sport túrinde boıjetkender de óz kúshterin synap kóredi. Alǵashqy áıelder jarysy almatylyq Aıan Tursyn men ShQO atynan shyǵatyn Elmıra Serikbaeva arasynda 52.2 kelige deıingi salmaq sanatynda ótedi.
